बीबीसी । गएराति सम्पन्न विश्वकप फुटबल जित्नु फ्रान्सका लागि सर्वोच्च राज्याभिषेक भएको फ्रान्सका प्रशिक्षक डिडिएर देशच्याम्सले बताएका छन् । आइतबार मस्को स्थित लुजिनिकि रंगशालामा भएको फाइनल खेलमा फ्रान्सले क्रोएसियालाई ४—२ गोल अन्तरले पराजित गर्दै दोस्रो पटक विश्वकपको च्याम्पियन बनेको हो ।
‘यो युवा टिम हो, जो विश्वको सर्वोच्च स्थानमा छन् । कोही १९ वर्षको उमेरमै च्याम्पियन बनेका छन्,’ प्रशिक्षक देशच्याम्पले भने ।
जसले सन् १९९८ को विश्वकपको कप्तानी सम्हालेका थिए ।
फ्रान्सले विश्वकप जितेसँगै प्रशिक्षक देशच्याम्प खेलाडी र प्रशिक्षक दुवैको भूमिकामा विश्वकप जिताउने तेस्रो प्रशिक्षक भएका छन् । यसअघि ब्राजिलका मारिओ जागल्लो र जर्मनीका फ्रान्ज बेकेनबायुरले पनि खेलाडी र प्रशिक्षकका रुपमा विश्वकप जिताएका थिए ।
प्रशिक्षकले भने, ‘यो जित मेरो होइन,यो खेलाडीले जितेको खेल हो ।’
फ्रान्सले गरेको पहिलो गोल विवादित फ्रिकिकबाट भएको थियो । जसको निर्णय भिडियो असिस्टेन्ट रेफ्री (भार)ले गरेको थियो । भने उक्त फ्रिकिकलाई क्रोएसियाका खेलाडी मारियो मान्डेजुकिकले आतमघाती गोल गरेसँगै फ्रान्सले अग्रता कायम गरेको थियो ।
प्रशिक्षकले भनेका छन् हामीले २ वर्ष अगाडी युरोपीयन च्याम्पियन्सिप हार्दा चोट महसुस भएको बताएका छन् । तर, त्यसलाई हामीले एक पाठको रुपमा लिएर अगाडी बढ्यौं ।