काठमाडौं । हाँस्य कलाकार किरण केसीले चलचित्र ‘दाल भात तरकारी’ निर्माणको घोषणा गरेका छन् । केसीले आफ्नो ६० औं जन्मदिनको अवसरमा चलचित्र निर्माणको घोषणा गरेका हुन् । 

‘दाल भात तरकारी’ लाई सुदन केसीले निर्देशन गर्नेछन् । सुदन किरणका छोरा हुन् ।  कमेडी जनराको चलचित्र मह सञ्चारको ब्यानरमा निर्माण हुनेछ । 

छायांकन भदौबाट सुरु हुने किरणले जानकारी दिए । किरणका अनुसार मदनकृष्ण श्रेष्ठ, हरिवंश आचार्य, दीपाश्री निरौलालगायतका कलाकारले अभिनय गर्नेछन् । 

तस्बिरः किरण केसीको फेसबुकबाट