काठमाडौं । रिलायन्स लाईफ इन्स्योरेन्स लि. ले आफ्ना ग्राहकहरुका लागि जीवन शान्ति बीमा योजना अघि ल्याएको छ । १६ वर्षको उमेर देखि नै लिन गर्न सकिने यो बीमा योजना अन्तर्गत न्युनतम बीमा शुल्कमा भविस्यमा हुन सक्ने भवितव्यबाट आर्थिक स्थिरता तथा पूर्ण जोखिम प्रदान गर्दछ । यो योजनाको विशेषता भनेको न्युन बीमा शुल्कमा आश्रितहरुको भविष्य सुरक्षित गर्नु रहेको विज्ञप्तिमार्फत जनाइएको छ ।
यस जीवन शान्ति बीमा योजना संगै विभिन्न अतिरिक्त सुविधाहरु पनि बीमितले लिन सक्नेछन् ।
साथै कम्पनीले घातक रोगहरु विरुद्धको अतिरिक्त सुविधाहरु पनि अघि ल्याएको छ । कम्पनीले ७र ११ वा १८ विभिन्न घातक रोगहरुबाट हुन सकिने मानवीय हानीलाई मध्येनजर गरी यो सुविधा सार्वजनिक गरेको हो । नेपालमा १८ घातक रोगहरु विरुद्ध अतिरिक्त सुविधा लिएर आउने रिलायन्स लाईफ इन्स्योरेन्स पहिलो जीवन बीमा कम्पनी भएको विज्ञप्तिमा उल्लेख गरिएको छ ।
बीमितले न्युनतम बीमा शुल्क तिरेर १८ वटा सम्म घातक रोगहरु विरुद्ध यो सुविधाको लाभ लिन सक्नेछन् । यस अतिरिक्त सुविधा लिएमा बीमितलाई कुनै पनि एक घातक रोग लागेको चिकित्सकीयरुपमा प्रमाणित भएमा अधिकतम रु ५० लाखसम्म एक मुष्ठ रकम प्रदान गरिनेछ । यो अतिरिक्त सुविधा विभिन्न बीमा योजनासंग संयुक्त रुपमा लिने सकिनेछ ।