बीबीसी । भारतको हैदराबादको तल्लो अदालतले ११ वर्षअघि मक्का मस्जिद विष्फोटमा भएको बम विष्फोटनमा संलग्न भनिएका अभियुक्तहरुलाई सफाई दिएको छ । १८ मे २००७ मा भएको विष्फोट सहरको चार मीनार क्षेत्र नजिकै रहेको मस्जिदको वजुखनामा भएको थियो । उक्त विष्फोटमा परी १६ जनाको मृत्यु भएको थियो ।
ती मध्ये पाँच जनाको मृत्यु भने घटनापछिको प्रदर्शन नियन्त्रणका दौरान प्रहरीले चलाएको गोली लागेर मृत्यु भएको थियो । शुरुआतमा चरमपन्थी संगठन हरकतुल जमात ए इस्लामी अर्थात हूजीले नै विष्फोट गराएको आशंका गरिएको थियो । प्रहरीले झण्डै ५० भन्दा बढी मुसलमान युवकलाई विष्फोट पछि हिरासतमा लिएको थियो ।
आन्ध्र प्रदेशको आतंकवाद निरोधी दस्तासहित, नेशनल इन्भेस्टिगेटिङ एजेन्सी (एनआईए) र सीबीआईले घटनाको छुट्टाछुट्टै जाँच गरेको थियो । तर तीन वर्षपछि सन् २०१० मा प्रहरीले ’अभिनव भारत’ नामक संगठनसँग सम्बन्धित स्वामी असीमानन्दलाई नियन्त्रणमा लिएको थियो ।
प्रहरीको गिरफ्तारीपछि स्वामी असीमानन्दले दिएको बयानले सबैलाई आश्चर्यमा पारिदिएको थियो । उनले विष्फोटको घटनामा संलग्न भएको आशंकामा पक्राउ परेका मुसलमान समदायका युवकहरु प्रति सुहानुभूति जनाउँदै ती युवकहरु निर्दोष रहेका बताएका थिए ।
पछि आन्ध्र प्रदेशको अल्पसंख्यक आयोगले ती मुसलमान युवकहरुलाई पछि निर्दोष भएको प्रमाण पत्र दिएको थियो ।
https://www.bbc.com/hindi/india-43779925