काठमाडौं । सरकारले यूएस बंगलाको विमान दुर्घटनाबारे छानविन गर्न जाँचबुझ आयोग गठन गरेको छ ।

दुर्घटनामा परेर ज्यान गुमाएकाहरुप्रति गहिरो दुःख व्यक्त गर्दै पूर्व सचिव यज्ञप्रसाद गौतमको संयोजकत्वमा ६ सदस्यीय जाँचबुझ आयोग गठन गरेको हो । 

आयोगमा प्रमुख सेनानी डा. राजीव देव, क्याप्टेन केके शर्मा, क्याप्टेन सुनिल प्रधान, उद्धवप्रसाद सुवेदी र सहसचिव बुद्धिसागर लामिछाने सदस्य सचिव रहेका छन् ।

जाँचबुझ आयोगलाई यथाशिघ्र छानविन गरी प्रतिवेदन बुझाउने कार्यादेश दिइएको जनसंख्या तथा वातावरण मन्त्री लालबाबु पण्डितले जानकारी दिए ।

सरकारले विमान दुर्घटनामा परी घाईते भएकोहरुको शीघ्र स्वास्थ्य लाभको कामना पनि गरेको छ ।  त्यसैगरी दुर्घटनामा परेकाहरुको उद्दार कार्यमा खटिएका नागरिक उडडयन प्राधिकरण, नेपाली सेना, नेपाल प्रहरी लगायतप्रति पनि आभार व्यक्त गरिएको छ ।