Skip Advt.
ad

साहित्य र कला

आयो भुइँखाट

आयो भुइँखाट

काठमाडौं । मदन पुरस्कार विजेता लेखक महेशविक्रम शाहको सातौं कथासङ्ग्रह ‘भुइँखाट’ सार्वजनिक भएको छ ।

उक्त कृतिलाई कार्यक्रमका प्रमुख अतिथि प्रा. डा. अभि सुवेदी र पुस्तकका टिप्पणीकार लेखकद्वय नारायण ढकाल र नयनराज पाण्डेले संयुक्तरुपमा सार्वजनिक गरे । 

‘सटाहा’, ‘अफ्रिकन अमिगो’, ‘छापामारको छोरा’, ‘काठमाडौंमा कमरेड’, ‘सिपाहीकी स्वास्नी’ र ‘ज्याक्सन हाइट’ शाहका पूर्वप्रकाशित कथासङ्ग्रहरु हुन् । 

पुस्तकमाथि टिप्पणी गर्दै नारायण ढकालले भने, “शाहको पहिलो कृति “सटाहा”मा वर्णन गरिएको थारु समुदायको मूल्य, मान्यता र संस्कृतिले म अविभूत भएको थिएँ ।

त्यसरी अविभूत हुने क्रमले “भुइँखाट”सम्म आइपुग्दा पनि निरन्तरता पाएको छ ।”

अर्का टिप्पणीकार नयनराज पाण्डेले भने, “लेखकका कथाहरुमा परिवेश, विषयगत विविधता पाइन्छ । उनले मधेश, हिमाल, पहाडदेखि पश्चात्य जगतका  कथा र पात्रहरु संग्रहमा ल्याएका छन् ।”

पुस्तकबारे बोल्दै लेखक शाहले भने, ‘मेरी श्रीमतीले सधैं भन्छिन्, “तपाईंलाई पुलिसहरुले साहित्यकारका रुपमा चिन्छन्, साहित्यकारहरुले पुलिसको रुपमा । तर म आत्मादेखि नै साहित्यकार हुँ । त्यसको जवाफ मेरा कृतिहरु हो जस्तो लाग्छ मलाई ।”
 

तपाईंको मत