काठमाडौं । नेकपा एमालेको स्थायी समिति बैठकले मन्त्रीको नाम टुंगो लगाउने जिम्मा पार्टी अध्यक्ष तथा प्रधानमन्त्री  केपी शर्मा ओलीलाई दिने निर्णय गरेको छ । शुक्रबार प्रधानमन्त्री निवास बालुवाटरमा बसेको बैठकले भूगोल, योग्यता र क्षमताको आधारमा मन्त्री छान्ने जिम्मा पार्टी अध्यक्ष ओलीलाई दिएको एमाले नेता योगेश भट्टराईले जानकारी दिए ।

सचिव भट्टराईका अनुसार बैठकमा राष्ट्रिय जनता पार्टी र संघीय समाजवादी फोरमलाई पनि सरकारमा ल्याउन पहल गर्नेबारेमा पनि छलफल भएको थियो ।

बैठकले पार्टी एकताको लागि गत ७ फागुनमा एमाले र माओवादी केन्द्रबीच भएको सात बुँदे सहमतिलाई अनुमोदन गर्दै पार्टीका जनवर्गीय संगठनका सबै सम्मेलन स्थगित गर्ने निर्णय पनि गरेको छ ।