सिनेमा– पद्मावत

सिनेमाको किसिम– पीरियड ड्रामा 

कलाकार– दीपिका पादुकोण, शाहिद कपूर, रणवीर सिँह, अदिति राव हैदरी, जिम सर्भ

निर्देशक– सञ्जय लीला भन्साली

अवधि– २ घण्टा ४३ मिनेट

प्रस्तावना

सञ्जय लीला भन्सालीको फिल्म ‘पद्मावत’ अनेक प्रकारका विवादको सामना गरेर बिहीबार प्रदर्शन हुन गइरहेको छ । सन् १५४० मा मलिक मुहम्मद जयसीले रचेको रचना ‘पद्मावत’ मा यो फिल्म आधारित छ । रानी पद्मिनी प्रति अलाउदीनको एकोहोरो प्रेम यसमा देखाइएको छ । यद्यपी फिल्मको निर्माया पक्षले यसलाई काल्पनिक भनेको छ ।

विभिन्न राज्यमा जारी विरोधका कारण निर्माण पइाले यसलाई काल्पनिक भनेको पनि अनुमान छ । आउनुस् हेरौंं ‘पद्मावत’ दर्शकहरुलाई मनोरञ्जन गर्न सक्छ कि सक्दैन । 
 

कथा 
 

अफगानिस्तानका खिलजी समुदायबाट ‘पद्मावत’ को सुरुवात हुन्छ । खिलजी समुदलायका पहिलो सुल्तान जलालुद्दीन खिलजी (रजा मुराद) सल्तनत–ए–हिन्दको तख्ता पलट गरेर स्वयम् सुल्तान बन्छन् । अलाउद्दीन खिलजी (रणवीर सिँह) सुल्तानका भतिजा हुन्छन् । जसलाई हरेक कुराको नायबी हासिल गर्ने शौक हुन्छ । फेरी कथामा सिंघलकी राजकुमारी पद्मावती (दीपिका पादुकोण) प्रवेश हुन्छ । जो एक हरिणको शिकार गर्न गएकी हुन्छिन् तर भूलवस उनले प्रहार गरेको तीर चित्तौडगढका राजा रतन सिँह (शाहिद कपूर) लाई लाग्दछ । 

राजा रतन सिँह पद्मावतीसँग विवाह गरेर आफुसँगै चित्तौडगढ लिएर आउँछन् । राजा रतन सिँह र रानी पद्मिनी एकान्तमा रहेको अवस्थालाई राजा रतन सिँहका गुरुले देख्छन् । यो अपराधका लागि राजा रतन सिँह आफ्ना गुरुलाई देश निकालाको सजाय सुनाउँछन् । 

प्रतिशोधको भावनामा भित्रभित्रै जलिरहेका गुरु खिलजीसँग मिल्छन् । र खिलजीको मनमा पद्मावतीका प्रति आकर्षण जगाउन लाग्छन् । खिलजी पद्मावतीको तारिफ सुनेर दिवाना भइदिन्छन् । त्यस पछि सुरू हुन्छ खिलजी र चित्तौडगढबीच युद्ध । यो युद्धमा जीत कसको हुन्छ त्यसका लागि फिल्म ‘पद्मावत’ हेर्नै पर्ने हुन्छ । तर यो बीचमा जे जे घटना हुन्छन् ती अत्यन्तै रोचक छन् । 

भूमिका
 

रणवीर सिँहले फिल्म ‘पद्मावत’ मा तारिफ गर्न लायक भूमिका निभाएका छन् । शाहिद कपूर र दीपिका पादुकोणले पनि मनमोहक ढंगको अभिनय गरेका छन् । अदिति राव हैदरी, जिम सर्भ, रजा मुरादले निभाएको भूमिकाले पनि फिल्म सफल बनाउन योगदान पु¥याएको छ । 

निर्देशन र छायांकन
 

सञ्जय लीला भन्सालीको निर्देशन तारिफ योग्य छ । सुदीप चैटर्जीले सम्हालेको छायांकनको बागडोर उत्कृष्ट छ ।
 

संगीत
 

सञ्जय लीला भन्साली र सञ्चित बल्हाराले फिल्ममा संगीत दिएका छन् । फिल्मको संगीत सुमधुर छ । घूमर, एक दिल एक जान, खलीबली जस्ता गीतहरु मन मोहक छन् । यद्यपी ‘घूमर’ बाहेक अरु गीतहरु स्मरण रहँदैनन् । 
बलिउड बबल डटकमबाट