काठमाडौं । यही माघ ११ देखि १६ गतेसम्म काठमाडौंको भृकुटीमण्डपमा हुने ‘सुबिसु क्यान इन्फोटेक २०१८ इन एसोसिएसन विथ मोटोरोला’ को तयारी पूरा भएको आयोजकले जनाएको छ । आयोजक कम्प्युटर एसोसिएसन अफ नेपाल (क्यान) महासंघले आइतबार राजधानीमा पत्रकार सम्मेलन आयोजना गरेर क्यान इन्फोटेकको तयारीबारे जानकारी दिएको हो ।
२४ औं संस्करणको क्यान इन्फोटेकको शीर्ष प्रायोजक सुबिसु केवलनेट प्रालि रहेको छ । त्यस्तै, एसोसिएट प्रायोजक मोटोरोला रहेको छ । सुविसु क्यान इन्फोटेक २०१८ ईन एशोसिएशन विथ मोटोरोला’ मा मुख्य प्रदर्शनी हलभित्र ४९ वटा ठूला र हल बाहिर ५ वटा ब्रान्डिङ प्रदर्शनी कक्षहरु रहने आयोजक क्यान महासंघले जानकारी दिएको छ ।
त्यस्तै, क्यान इन्फोटेकको प्लाटिनम स्पोन्सर वल्र्डलिंक कम्युनिकेसन, डायमण्ड स्पोन्सर नेपाल टेलिकम र टि।पी लिंक, गोल्ड स्पोन्सरहरु हुवावे, एमआई। स्मार्ट फोन र टेक्नो मोबाईल , सिल्भर स्पोन्सरहरु नेटिस, एस पावर, लर्ड बुद्ध एजुकेशन फाउण्डेसन, टेक्नोस स्मार्ट टि भी रहेका छन् भने प्रिन्ट स्पोन्सरमा हाइसेन्स रहेको छ ।
यस प्रदर्शनीमा हार्डवेयर सेल्स तथा मेन्टीनेन्स, पावर सोलुसन्स, मोवाईल एसेसोरिज, डिलर र डिस्ट्रिव्युटर्स, ईन्टरनेट सेवा प्रदायक, टेलिकम्युनिकेशनस्, आई सी।टी कलेज तथा ट्रेनिङ ईन्स्टिच्युटस्, सफ्टवेयर सोलुसनस्, पेमेन्ट सोलुसन्स् र अन्य रहेका छन् । हालसम्म मुख्य प्रदर्शनी हलभित्र र बाहिर शतप्रतिशत स्टल बुकिङ भईसकेका क्यानले जनाएको छ ।
यस वर्षको क्यान इन्फोटेक अवलोकनका लागि सर्वसाधारणलाई १०० र विद्यार्थीहरुलाई ५० रूपैयाँ प्रवेश शुल्क तोकिएको छ । माघ १४ गते आईतबारको दिनलाई विजनेश डेको रुपमा घोषणा गरिएको छ । उक्त दिनको प्रवेश शुल्क सम्पुर्ण अवलोकनकर्ताहरुको लागि १०० रूपैयाँ तोकिएको छ ।
सूचना प्रविधि प्रयोगलाई बढावा दिने उद्धेश्यले अनलाईन टिकट खरीदमा २० प्रतिशत छुटसमेत प्रदान गरिने क्यानले बताएको छ । अनलाइन टिकट खरिद इसेवाबाट पनि गर्न सकिनेछ । क्यान इन्फोटेक अवलोकन गर्नेमध्ये एक जनालार्इ गोला प्रथाबाट हरेक दिन २० इन्चको हाइसेन्स टिभी उपहार दिइने बताइएको छ ।
यस संस्करणको अफिसियल बैंक सनराइज बैंकले टिकट काटी प्रबेश गर्नेलाई ४०० प्रतिशतसम्मको क्यास ब्याक अफरसमेत घोषणा गरेको छ ।
– रश्मिता माझी / प्रिज्मा जोगेठ्वा (थारू)
(प्रशिक्षार्थी पत्रकार)