काठमाडौं । काठमाडौं उपत्यकामा प्रचलित फास्ट फुड मःम प्रवद्र्धन गर्न गेटवे कलेजले ‘मोमोज एण्ड मोर’ कार्यक्रम आयोजना गरेको छ । शनिबार आयोजित एक दिने कार्यक्रममा विभिन्न प्रकारको मःम उपलब्ध थियो । ३ वर्ष अघिदेखि गेटवे कलेजले होटल म्यानेजमेन्टका विद्यार्थीहरुलाई सक्रिय सहभागी गराएर फुड फेस्टिभल गर्दै आएको छ ।

पाँचौं सेमेस्टरमा ४० जना विद्यार्थीमात्र भर्ना गर्ने गरेको र उनीहरुलाई होटल म्यानेजमेन्टको सिप दिएर अन्तर्राष्ट्रिय बजारसँग प्रतिस्पर्धी बनाउनु मुख्य उद्देश्य रहेको कलेजका प्रवन्ध निर्देशक सुरेश केसीले बताए । 

मोमोज एन्ड मोर फुड फेस्टिभलमा १४ प्रकारको मःम राखिएको थियो । बफ, चिकेन मःमले मात्र अन्तर्राष्ट्रिय स्तरमा प्रतिस्पर्धा गर्न नसक्ने भएकाले भिन्नाभिन्नै टेष्टको मःम बनाउनु आवश्यक रहेको केसीको भनाइ छ ।