ad

राजनीति

संयुक्त कार्यदलको बैठक सकियो, ओली फर्किएपछि मात्रै निर्णय गरिने 

संयुक्त कार्यदलको बैठक सकियो, ओली फर्किएपछि मात्रै निर्णय गरिने 

काठमाडौं । नेकपा एमाले र माओवादीबीचको संयुक्त कार्यदलको बैठक सकिएको छ ।

बैठकमा राष्ट्रियसभा निर्वाचन, प्रदेशसभा गठन र प्रदेश सरकार गठनको विषयमा कार्यदलका सदस्यहरु सुवास नेम्वाङ, शंकर पोखरेल, सुरेन्द्र पाण्डे, रामबहादुर थापा ‘बादल’, वर्षमान पुन र मातृका यादवले आफ्नो-आफ्नो कुरा राखेका थिए ।

बैठकमा राष्ट्रियसभा सम्बन्धीको कुरा टुङ्गो भने लागि नसकेको एमाले नेता एवं कार्यदलका सदस्य सुवास नेवाम्वाङले जानकारी दिए ।

''आजको बैठकमा विस्तृत रुपमा छलफल भयो, सबैले आफ्नो-आफ्नो कुरा राखे, ''नेता नेवाङ्ले बाह्रखरीसँग भने, ''एक अर्काको कुरा सुन्ने काम भयो । कुरा सकारात्क थियो । त्यसको आधारमा दुवै पार्टीले आन्तरिक छलफल गर्छौं । केपी ओली २ गते आउनुहुन्छ । उहाँ आएपछि ३ गते १ बजे बैठक बसेर राष्ट्रियसभा सम्बन्धी कुरा टुङ्गो लाग्छ भन्ने हाम्रो विश्वास छ ।'

उनले ओली स्वदेश फर्किएलगत्तै वैचारिक र सांगठनिक कार्यदल बन्ने र पार्टीको काम तीव्र रुपमा अगाडि बढ्ने पनि बताए ।  ''ओलीजी नेपाल फर्किएपछि वैचारिक र सांगठनिक कार्यदल बन्छ र पार्टी एकताको कामले तीव्र रुपमा गति लिन्छ,  ''नेता नेम्वाङले अगाडि भने, ''गत २५ गते संयुक्त कार्यदल मात्र निर्माण गर्न सकियो । समय अभावको कारण वैचारिक र सांगठनिक कार्यदल निर्माण गर्न सकेनौं ।''

उनले पार्टी एकताको आन्तरिक छलफल भइरहेको भन्दै पदको विषयमा पार्टी एकता नरोकिने दावी समेत गरे ।

तपाईंको मत