एजेन्सी । ब्राजिलियन फरवार्ड नेयमारले एक म्यागजिनको लागि अर्धनग्न फोटो सुट गराएका छन् । फ्रान्सेली क्लब पेरिस सेन्ट जर्मेन (पिएसजी )का फरवार्ड नेयमारले ‘म्यान अबाउट टाउन’ नामक बेलायती म्यागजिनको लागि यस्तो तस्बिर खिचाएका हुन् ।
पुरुषहरुको लागि निस्कने उक्त म्यागजिनको कभरमा नेयमारले आकर्षक पोजहरु दिएका छन् । म्यागजिनमा नेयमारले निकै कम मात्रामा कपडा लगाएका छन् । डा बिट्सको हेडफोनसहित खिचाएका नेयमारको फोटो हाल निकै भाइरल बन्दै गएको छ ।
फेसन फोटोग्राफर मारियो टेस्टीनोले नेयमारलाई निकै आकर्षक तरिकाले प्रस्तुत गरेका छन् ।
म्यागजिनबाट कभर फोटो सार्वजनिक भएपछि नेयमारको तुलना रियल मड्रिडका स्टार क्रिष्टियानो रोनाल्डो र म्यानचेस्टर युनाइटेडका पुर्व खेलाडी डेभिड बेकह्यामसँग तुलना गर्न थालिएको छ ।
पछिल्लो समय रोनाल्डो विश्व बजारको फेसनमा निकै छाउदँै आएका छन् । म्यागजिनको कभर फोटो र आफ्नो फेसनको कारण रोनाल्डो मैदानमा मात्र नभएर विश्व फेसनमा समेत चर्चित रहँदै आएका छन् ।
यस्तै इंग्ल्यान्डका पुर्व फुटबलर बेकह्याम फेसनमा चर्चित छन् ।
नेयमार फेसनमा मात्र नभई पछिल्लो समय मैदानमा समेत चर्चित छन् । यसै सिजन स्पेनिस क्लब बार्सिलोनाबाट पिएसजी गएका नेयमारले पिएसजीबाट यो सिजन १२ खेल खेल्दै ११ गोल गरिसकेका छन् । नेयमार कीर्तिमानी मूल्य १८९ मिलियन पाउण्डमा पिएसजी गएका थिए ।