पोखरा । लेखनाथ पत्रकार मञ्चको प्रथम अधिवेशनले आगामी तीनवर्षे कार्यकालका लागि पुनः भीमपाणि बरालको नेतृत्वमा नयाँ कार्यसमिति सर्वसम्मत निर्वाचित गरेको छ ।
अधिवेशनले उपाध्यक्षमा कविराज खनाल, सचिवमा विष्णुहरि पौडेल, कोषाध्यक्ष सन्दीप पौडेल, सह–सचिवमा स्मीता अधिकारी लाई निर्वाचित गरेको हो ।
मञ्चको सदस्यहरूमा राजन परियार, महेन्द्र ढुङ्गाना, सरिता पगेनी तिमल्सेना, रामशरण नेपाली, सुमन जिसी र सचिन रानाभाट चयन भएका छन् ।
मञ्चको नव निर्वाचित कार्यसमितिको आज बसेको पहिलो बैठकले राजेशकुमार घिमिरे, रामप्रसाद तिमल्सेना, वासुदेव पौडेल, हरि बास्तोला, परशुराम शर्मा आचार्य, भरतप्रसाद तिवारी, महेश्वर पाण्डे र ऋषिकान्त पौडेललाई सल्लाहाकारमा चयन गरेको छ भने दुई मनोनित सदस्यमा ज्योति हमाल र कमल गौतमलाई चयन गरेको छ ।
सभाले मञ्चका सदस्य सुरेश अधिकारी माथि केही दिन अघि पोखरामा हातपात भएको सम्वन्धमा खेद व्यक्त गर्दै आगामी दिनमा त्यस्ता घटना दोहोरिन नदिन मञ्चले सक्रिय भुमिका निर्वाह गर्ने पनि निर्णय गरेको छ । रासस