काठमाडौं । स्वतन्त्र उर्जा उत्पादकहरुको संस्था, नेपाल (इप्पान) र एक्स्पो एण्ड इभेन्ट म्यानेजमेन्ट सर्भिस प्रालिले संयुक्त रुपमा ‘हिमालयन हाइड्रो एक्स्पो २०१८’ आयोजना गर्ने भएको छ ।
पौष २१ गतेदेखि २३ गतेसम्म काठमाडौंको भृकुटीमण्डपस्थित प्रदर्शनीहलमा उक्त एक्स्पो हुने भएको हो ।
नेपाल सरकार, राष्ट्रिय योजना आयोगले एक्स्पोलाई संरक्षकत्व प्रदान गरेको जनाइएको छ ।
एक्स्पोमा नेपाल विद्युत प्राधिकरण, नेपाल उद्योग बाणिज्य महासंघ, नेपाल उद्योग परिसंघ, नेपाल चेम्बर अफकमर्स, नेपाल बैंकर्स एसोसिएसनस, युथ कम्युनिटी फर नेपलिज ‘कन्ट्राक्टर्स’ लगायतको सक्रिय सहयोग रहने आयोजकको भनाइ छ ।
एक्स्पोको व्यवस्थापन इभेन्ट सोलुसन प्रालिले गर्न लागेको जनाइएको छ ।
आयोजकका अनुसार एक्स्पोमा ३ सयभन्दा बढी स्टल राखिनेछ । जसमा जलविद्युत प्रवर्धक, इक्युपमेन्टस सप्लायर, लगानीकर्ता, बैंक, जलविद्युतमा नयाँप्रविधि र निर्माणसँग सम्बन्धित स्टल रहनेछ । साथै १ सय ५० भन्दा बढी विदेशी स्टल रहने अयोजकको विश्वास छ ।
स्वतन्त्र उर्जा उत्पादक संघका अध्यक्ष शैलेन्द्र गुरागाँइले उक्त एक्सपोमा टनेल खन्ने उपकरण सहित पछिल्ला टेक्नोलोजीको बारेमा समेत जानकारी दिइने बताए ।
एक्सपो एण्ड इभेन्ट म्यानेजमेन्ट प्रालिका प्रबन्ध निर्देशक बिजय सागर प्रधानले चीनभन्दा एक बर्ष पहिला हाइड्रो पावर सुरु गरेको नेपाल चीनभन्दा धेरै पछि रहेको गुनासो गरे ।
नेपाल सरकारले घोषणा गरेको ७ बर्षमा १७ हजार मेगावाट विद्युतउत्पादनगर्ने लक्ष्यलाई पनि यो एक्स्पोले साथ दिने विश्वास आयोजकले गरेको छ ।