काठमाडौं । वरिष्ठ लोक गायक अमर बिरही गुरुङको एकल साँझ हुने भएको छ । यही भदौ ३१ गते राष्ट्रिय प्रज्ञा प्रतिष्ठान कमलादीमा एकल साँझ हुनेछ । 
तमु गुरुङ कलाकार संघको आयोजनामा हुने कार्यक्रममा उनले आफ्नो चर्चित गीतहरु प्रस्तुत गर्नेछन् । नेपाली लोक संस्कृति तथा कला सांस्कृतिको जगेर्नाका लागि एकल साँझ कार्यक्रमको आयोजना गरिएको गुरुङले बताए ।
चार दशक भन्दा लामो सांगीतिक क्षेत्रमा सक्रिय अमरका गैरी पर्यो ताल, खोलि रसायो, काठमाडौँ सिंहदरबार, गोर्खा कालिका, गोगन पानीमा, काँचो सुर्ती लगाएत दर्जनौं गीत लोकप्रीय छन् । 
राष्ट्रिय लोक दोहोरी गीत प्रतिष्ठान नेपाल उपत्यका समन्वय समिति र तमु ह्युल छोंज धी गुरुङ राष्ट्रिय परिषदको विशेष सहयोगमा हुने कार्यक्रमलाई नेपाल टेलिभिजनले प्रत्यक्ष प्रशारण गर्नेछ ।