काठमाडौं । खेमकला–हरिकला लामिछाने प्रष्ठिान, चितवनले विसं. २०७३ सालको पद्मश्री पुरस्कार नवराज पराजुलीकृत सगरमाथाको गहिराइलाई अर्पण गर्ने निर्णय गरेको छ ।

दुई लाख रुपैयाँ पुरस्कार राशि रहेको उक्त पुरस्कारका लागि जनकराज सापकोटाको कहर, नगरकोटीद्वारा लिखित घाटमाण्डु, राज सरगमको छाउघर, नविन विभासको रोल्पा सुइना मनोनयनमा परेको थियो ।

यिनै पाँच कृतिमध्येबाट विद्वान मूल्याङ्कनकर्ताहरूको निर्णयानुसार पराजुलीलाई पुस्कृत गर्ने निर्णय गरिएको  संरक्षक जीवा लामिछानेले जानकारी दिए ।

त्यस्तै, २०७३ कै पद्मश्री साधना सम्मान रोचक घिमिरे र नगेन्द्रराज शर्मालाई संयुक्त रूपमा दिने निर्णय भएको उनको भनाइ छ ।