देश
सुरुङ्गा (झापा) । झापाको बाह्रदशी गाउँपालिका–२ राजगढको किसान बस्तीका मसुद मियाँका १६ वर्षीय छोरा साहिल मियाँको आज डुबेर मृत्यु भएको छ ।
बस्तु चराउन गएका उनको खाल्डोमा जमेको पानीमा डुबेर मृत्यु भएको बाह्रदशी गाउँपालिका वडा नं २ का अध्यक्ष यादव मिश्रले जानकारी दिए ।
बस्तु चराउन जाँदै गर्दा साहिल खाल्डोमा जमेको पानीमा डुबेको देखेपछि स्थानीयवासीले तत्काल उनको उद्धार गरेर बिर्तामोडस्थित बिएण्डसी हस्पिटल पुर्याए पनि उनको उपचारकै क्रममा मृत्यु भएको मिश्रले बताए ।
उनी स्थानीय दिव्यज्योति माविमा कक्षा ९ मा अध्ययनरत थिए । योसँगै झापामा बाढीका कारण मृत्यु हुनेको संख्या १३ पुगेको छ भने अझै चार जना बेपत्ता छन् । रासस
प्रकाशित मिति: बुधबार, साउन ३२, २०७४ २०:४८
प्रतिक्रिया दिनुहोस्