काठमाडौं । कलाकारहरुले बाढीपीडितलाई सहयोगको घोषणा गर्न थालेका छन् । लगातारको वर्षापछि जनधनको क्षतीको खबर आउन थालेपछि कलाकारहरुले सहयोगको घोषणा गर्न नै थालेका हुन् । 

हाँस्य कलाकार दीपकराज गिरीले एक लाख रुपैयाँ सहयोगको घोषणा गरेका छन् । नायिका पूजा शर्माले पनि एक लाख रुपैयाँ सहयोगको घोषणा गरेकी छन् । दीपाश्री निरौला र नायिका प्रियंका कार्कीले ५१/५१ हजार रुपैयाँ सहयोगको घोषणा गरेका छन् । 

चलचित्र कलाकार संघले पनि ६५ हजार सहयोग गर्ने जनाएको छ ।  

यस्तै हाँस्य कलाकार मनोज गजुरेलले २० हजार सहयोगको घोषणा गरेका छन् । “मैले यो व्यक्तिगत सहयोगको घोषणा गरेको हुँ,” उनले भने, “हामी सिस्नो पानी नेपालकातर्फबाट पनि सहयोगको अपिल गर्दैछौं उठेको रकम सरकारी संयन्त्रलाई हस्तानतरण गर्दैछौं ।”

यस्तै हाँस्य कलाकार धुर्मुस सुन्तली पनि सहयोगका लागि भन्दै तराई पुगिसकेका छन् । 

चलचित्र ‘जालो’ का निर्देशक अराजकेशव गिरीले पनि सहयोगको घोषणा गरेका छन् । भारतको बेंलोरमा रहेका गिरीले उहीँबाट सहयोगको घोषणा गरेका हुन् ।