काठमाडौं । काठमाडौं महानगरपालिका–२६ स्थित टिफेन रेस्टुरेन्टनजिकबाट पेस्तोलसहित एकजना पक्राउ परेका छन् ।

पक्राउ पर्नेमा सामाखुसी बस्ने सिन्धुपाल्चोकको मेलम्ची नगरपालिका–१ घर भएका २८ वर्षीय कृष्ण चौलागाईं छन् । उनको साथबाट एकथान कटुवा पेस्तोल र एक राउन्ड गोली बरामद भएको छ ।

महानगरीय प्रहरी वृत्त लैनचौर र सशस्त्र प्रहरी बलबाट खटिएको संयुक्त प्रहरी टोलीले उनलाई शंकास्पदरुपमा हिँडिरहेका अवस्थामा जाँच गर्ने क्रममा उनको साथबाट उक्त पेस्तोल फेला पारी पक्राउ गरेको जनाइएको छ ।
प्रतीकात्मक तस्बिर ।