काठमाडौं । स्थानीय तह निर्वाचन अन्तर्गत दोस्रो चरणमा असार १४ गते निर्वाचन सम्पन्न भएका ३३४ स्थानीय तहमध्ये ३०७ तहको मतगणना सुरू भएको छ ।

निर्वाचन आयोगमा रहेको संयुक्त निर्वाचन परिचालन केन्द्र जेइओसीबाट प्राप्त विवरण अनुसार अब २५ तहको मतगणना सुरूहुन बाँकी रहेको छ ।

उच्च पहाडी र हिमाली जिल्लाका विकट मतदान स्थलबाट मतपेटिका हेलिकप्टरबाट ल्याइएको र ताप्लेजुङ जिल्लाको एउटा मतदान स्थलको मतपेटिका संकलन हुन बाँकी रहेको निर्वाचन आयोगका प्रवक्ता सूर्यप्रसाद शर्माले जानकारी दिए ।