बीबीसी । प्रिमियर लिग क्लब टोटनहम युरोपा लिग फुटबलमा पराजित भएको भयो । लिगको दोस्रो खेलमा टोटेनहम पराजित हुन पुगेको हो ।
बिहीबार राति भएको खेलमा टोटनहम रोयल आन्टवेर्पसँग १-० गोलले पराजित हुन पुग्यो । प्रिमियर लिगमा पछिल्लो समय उत्कृष्ट प्रदर्शन गरिरहेको टोटनहमले युरोपा लिगमा पनि राम्रो प्रदर्शन गर्ने तयारी थियो । तर, योजनाअनुसार नतिजा आउन भने सकेन ।
क्लबका मुख्य प्रशिक्षक जोसे मौरिन्होले टिमले उत्कृष्ट प्रदर्शन गर्दा पनि राम्रो रिजल्ट नआउनु दुःखको कुरा भएको बताएका छन् । उनले टिमको यो हारको जिम्मेवारी आफूले लिने पनि बताए ।
“टिमले उत्कृष्ट प्रदर्शन गर्दा पनि नतिजा राम्रो निक्लन सकेन । अब टिममा केही परिवर्तन ल्याउन आवश्यक छ । आजको हारको जिम्मेवारी म लिन्छ । अघिल्लो खेलमा राम्रो प्रदर्शन गरेर मैदान उत्रनेछौं,” मौरिन्होले बीबीसीसँगको कुराकानीमा भने ।