काठमाडौं । स्याङ्जामा वालिङ नगरपालिका १४ स्थित तमादीडाँडामा आज बिहान खसेको पहिरोमा एकै परिवारका ९ जनाको मृत्यु भएको छ । पहिरोले टीकामाया नेपालीसहित उनकै तीन बहिनी, चार छोरा, एक बुहारी र ९ महिनाको नातिको मृत्यु भएको हो । उनीहरु पहिरोमा पुरिएका थिए ।

उद्धारका क्रममा सबै मृत अवस्थामा फेला परेको जिल्ला प्रहरी कार्यालय स्याङ्जाका एसपी होविन्द्र बोगटीले जानकारी दिए ।

उनका अनुसार टीकामायाका पति यसअघि नै बितिसकेका थिए । माइलो छोरा मजदुरीका लागि भारतमा छन् । उनले भने, “आठजना टीकामायाकै परिवारका हुन् । टीकामायाकी एक बहिनी पाहुना आएकी थिइन् । सबैको घरभित्रै पुरिएर ज्यान गयो ।” -प्रतिकात्मक तस्बिर