सर्लाही । सर्लाहीमा प्रहरीले नियन्त्रित लागुऔषध बरामद गरेको छ । हरिवन नगरपालिका ५, घुर्कौलीबाट नियन्त्रित लागुऔषध १०१ बोतल डाइलेक्स डीसी, १९८ बोतल वयरलेक्स, ९ सय थान नाइट्रोभेट र २ सय थान स्पास्मो प्रहरीले बरामद गरेको हो ।

इलाका प्रहरी कार्यालय हरिबनबाट खटिएको प्रहरीलाई देखी बा.६२प ४६४१ नम्बरको मोटरसाइकल छाडेर चालक फरार भएपछि मोटरसाइकल जाँच गर्दा उक्त लागुऔषध फेला पारी मोटरसाइकलसहित बरामद गरिएको हो ।

फरार व्यक्तिको खोजी गर्ने क्रममा शंकास्पद एकजनालाई प्रहरीले पक्राउ गरी थप अनुसन्धान गरिरहेको छ ।