एजेन्सी । इङ्ल्यान्ड र वेस्टइन्डिजबीचको अन्तिम टेस्ट आजबाट सुरु हुँदै छ । खेल म्यानचेस्टरस्थित ओल्ड ट्राफोर्डमा नेपाली समयअनुसार दिउँसो ३ः४५ बजे सुरु हुनेछ । 

तीन खेलको टेस्ट सिरिज १–१ को बराबरीमा छ । पहिलो टेस्ट वेस्टइन्डिजले ४ विकेटले जितेको थियो । त्यस्तै दोस्रो टेस्ट खेल भने घरेलु टोली इङ्ल्यान्डले ११३ रनले विजयी भएको थियो । 

तेस्रो टेस्टका लागि इङ्ल्यान्डले आफ्नो १४ सदस्यीय टोलीमा तीव्र गतिका बलर जेम्स एन्डरसन, मार्क वुड र जोफ्रा आर्चरलाई समावेश गरेको छ ।