काठमाडौं । माछापुच्छ्रे बैंक कर्पोरेट सुपर सिक्सेज प्रतियोगिताको छैठौं संस्करण सुरु भएको छ । प्रतियोगिताको पहिलो दिन सात खेल सम्पन्न भएका छन् । सोमबार त्रिवि क्रिकेट मैदानमा सम्पन्न प्रतियोगिता अन्तर्गत पहिलो दिनको सात खेलमा सेन्चुरी बैंक, आईसीएफसी फाइनान्स, सनराइज बैंक, एनसेल ‘ए’ र ग्लोबल आईएमईले जित हात पारे । आईसीएफसी फाइनान्स र एनसेल ‘ए’ले दुवै खेलमा जित हात पारे ।

दिनको पहिलो खेलमा साविकको विजेता सेन्चुरी बैंकले नेपाल रास्ट्र बैंकलाई ६ विकेटले पराजित ग¥यो ।  नेपाल राष्ट्र बैंकले दिएको ५२ रनको लक्ष्य सेन्चुरीले विकेट नगुमाई पुरा गर्‍यो । दोश्रो खेलमा एनसेल ‘ए’ ले ग्लोबल आईएमई बैंकलाई पाँच विकेटले पराजित गर्‍यो ।  ग्लोबल आईएमईले दिएको ७७ रनको लक्ष्य एनसेल ‘ए’ ले एक विकेट गुमाएर पुरा गर्‍यो ।

तेश्रो खेलमा आईसीएफसी फाइनान्सले एनसेल ‘बी’ लाई ११ रनले पराजित गर्‍यो ।  आईसीएफसीले दिएको ८२ रनको लक्ष्य पछ्याउने क्रममा एनसेल ‘बी’ ले ७० रन मात्र बनाउन सक्यो । चौथो खेलमा सनराइज बैंकले सुर्य नेपाललाई ६ विकेटले पराजित गर्‍यो ।  सुर्य नेपालले दिएको ७२ रनको लक्ष्य सनराइजले विकेट नगुमाई पूरा गरेको थियो ।

पाँचौ खेलमा ग्लोबल आईएमई बैंकले गुर्खाज फाइनान्सलाई ६ विकेटले पराजित गर्न सफल भयो । गुर्खाजले दिएको ६३ रनको लक्ष्य ग्लोबल आईएमईले विकेट नगुमाई पूरा गरेका थियो । छैठौं खेलमा आईसीएफसी फाइनान्सले दोश्रो जित दर्ता गर्ने क्रममा नेपाल टेलिकमलाई २५ रनले पराजित गरेको थियो । आईसीएफसीले दिएको ८१ रनको लक्ष्य पछ्याउने क्रममा नेपाल टेलिकमले ५५ रन मात्र बनाउन सक्यो ।

दिनको सातौँ तथा अन्तिम खेलमा एनसेल ‘ए’ले गुर्खाज फाइनान्सलाई २५ रनले पराजित गर्त सफल भयो । एनसेलले दिएको ९९ रनको लक्ष्य पछ्याउने क्रममा गुर्खाजले ७३ रन मात्र बनाउन सक्यो ।