घटना क्रम
काठमाडौं । प्रहरीले मकवानपुरको मनहरीबाट ठुलो मात्रामा अवैध लागुऔषध गाँजासहित एक भारतीय नागरिकलाई पक्राउ गरेको छ । बिहीबार बिहान ईलाका प्रहरी कार्यालय मनहरी, मकवानपुरबाट खटिएको प्रहरी टोलीले चितवनबाट रक्सौलतर्फ जाँदै गरेको भारतीय नम्बर प्लेटको ट्रकबाट ३ सय ६ किलो अवैध लागुऔषध गाँजासहित भारतीय नागरिक मोतिहारी पुर्वि चम्पारण ७ का ४८ वर्षिय अशोक कुमार दुवेलाई पक्राउ गरेको जिल्ला प्रहरी कार्यालय मकवानपुरले जनाएको छ ।
ट्रकको बडीको भागको भित्रपट्टी फल्स बटम बनाई १६ वटा बोरामा लुकाई छिपाई गाँजा भारत लैजादै गरेको अवस्थामा नियन्त्रणमा लिएको प्रहरीले जनाएको छ । उक्त गाँजा कुन ठाँउबाट ल्याएको भन्ने अनुसन्धान भईरहेको प्रहरीले जनाएको छ ।
प्रकाशित मिति: बिहीबार, चैत ३, २०७३ १७:२९
प्रतिक्रिया दिनुहोस्