भैरहवा । नयाँ शक्ती नेपालका संयोजक एवं पूर्व प्रधानमन्त्री डा.बाबुराम भट्टराईले जातीय, वर्गीय, हिमाली, मधेशी र पहाडी भनेर भइरहेको भेद्भावलाई अन्त गर्ने बताएका छन् । अबको समय आर्थिक क्रान्तिको समय भन्दै उनले नयाँ शक्ति नेपालले बिभेद अन्त गर्दै अगाडी बढ्ने बताए ।
भैरहवामा आयोजित नयाँ शक्ति पार्टी प्रवेश तथा स्वागत कार्यक्रममा उनले नेपाली जनताले परिवर्तन खोजेकोले वैज्ञानिक विचारको शक्ति देशमा खाँचो भएको र परनिर्भरताले नेपालीको इज्जत नहुने भएकोले नेपालीको पहिचान बचाउँन नयाँ शक्ति पार्टी अगाडि बढेको दाबी गरे ।
राजनीतिलाई पेशा बनाएर ६/६ महिनामा सरकार परिवर्तन गरि दलहरुले देशलाई दुर्घटना तिर धकेलेको उनको आरोप छ । आपसमा झगडाको वातावरण सिर्जना हुँदा छिमेकीले हेप्ने प्रवृत्ति हाविी भएकोले त्यस्तो कार्यलाई रोक्न नयाँशक्तिले प्रत्यक्ष कार्यकारी प्रमुख चुन्नका लागि हस्ताक्षर अभियान चालाउन थालेको समेत उनले बताए ।
नयाँ शक्तिले सरकारको नेतृत्व गरेका दलहरुलाई १ वर्ष भित्रै तीन तहका चुनाव गरि दवाव दिने र उक्त निर्वाचनबाट नयाँ शक्ति पहिलो पार्टी बनाउने कार्यमा लागेको संयोजक भट्टराईले बताए ।