काठमाडौं । मित्रराष्ट्र श्रीलङकामा भएको तेश्रो दक्षिण एशियाली फुटसल च्याम्पियनसिपमा उपविजतेता बन्दै नेपाली फुटसल टोली स्वदेश फिर्ता भएको छ । पहिलो पटक अन्तराष्ट्रिय प्रतियोगितामा सहभागि भएको नेपाली टोलीले पहिलो सहभागितामानै ऐतिहासिक उपलब्धि हासिल गर्दै नेपाल दोश्रो स्थानमा चित्त बुझाउन बाध्य भएको हो । दक्षिण एशियाका ५ राष्ट्रको सहभागिता रहेको प्रतियोगितामा नेपालले भारतलाई ५–० मालदिभ्सलाई ३–२ र पाकिस्तानलाई ९–० गोल अन्तरले पराजित गर्दै फाइनलको यात्रा तय गरेको थियो । विजयी खेलाडीहरुलाई राष्ट्रिय खेलकुद परिषदका सदस्य एवं नेपाल फुटसल संघका अध्यक्ष देव कुमार अधिकारीले अन्तराष्ट्रिय विमानस्थलमा स्वागत गरे ।