विशेष
एजेन्सी, मड्रिड । बार्सिलोनाका अर्जेन्टिनी स्टार स्ट्राइकर लियोनल मेस्सी घाइते भएपछि तीन साता मैदान बाहिर रहने भएका छन् । मेस्सी स्पेनिस ला लिगा अन्तर्गत बुधबार राती एथ्लेटिको मड्रिडविरुद्धको खेलका क्रममा घाइते भएका थिए ।
बार्सिलोनाको घरेलु मैदानमा भएको खेलको ५९ औं मिनेटमा डिएगो गोडिनको ट्याकलका क्रममा मेस्सी घाइते भएका हुन् । पहिलो हाफ बार्सिलोना १ – ० ले अघि रहेको अवस्थामा गोडिनले मेस्सीलाई ट्याकल गरेका थिए । उक्त खेल १ – १ को बराबरीमा सकिएको थियो ।
मेस्सी च्याम्पियन्स लिग अन्तरगत १९ अक्टोबरमा हुने म्यानचेष्टर सिटीसँगको खेलमा फर्कने अनुमान गरिएको छ । यसअघि पनि चोटकै कारण मेस्सीले विश्वकप छनौटमा भेनेजुएलाविरुद्धको खेल गुमाएका थिए । तर, यो सिजन उनले ला लिगामा पाँच वटै खेल खेलेका छन् ।
प्रकाशित मिति: बिहीबार, असोज ६, २०७३ ०७:४७
प्रतिक्रिया दिनुहोस्