वासिंगटन । अमेरिकी राष्ट्रपति जो बाइडेनले अमेरिकी रक्षा विभागलाई हाइपरसोनिक हतियार औद्योगिक आधारमा लगानी गर्न अनुमति दिलाउन दुईवटा निर्देशन पत्रमा हस्ताक्षर गर्ने भएका छन् । 

अहिले चीन र रुसले हाइपरसोनिक हतियारमा भएको प्रगतिको विज्ञापन गरिरहेकोबेला अमेरिकी रक्षा मन्त्रालय पेन्टागनले प्रमुख प्राविधिक क्षेत्रहरूमा सम्भावित आपूर्ति श्रृंखलाको अवरोधलाई सम्वोधन गर्न चाहन्छ । चीन र रुसले प्रदर्शन गरिरहेका अदभूत गति क्षमताका हाइपरसोनिक हतियारका गति म्याक पाँचभन्दा बढी रहेको छ ।

अनुसन्धान तथा इन्जिनियरिंगका लागि रक्षा सहायक मन्त्रीको कार्यालयमा हाइपरसोनिक्स मामिलाका प्रमुख निर्देशक माइकल ह्वाइटले मंगलवार भनेका छन्, “राष्ट्रपतिले हस्ताक्षर गर्न लागेका निर्देशनहरूले हाइपरसोनिक इन्जिन, निर्देशन र नियन्त्रण उपप्रणाली आपूर्तिकर्ता बलियो बनाउन पेन्टागनलाई रक्षा उत्पादन ऐन शिर्षक तृतिय कोष लगानी गर्न सक्षम पार्नेछ ।”
 
उक्त तृतिय कोष अन्तर्गत राष्ट्रपतिले उत्पादन क्षमता वृद्धि र उच्च गुणस्तरजस्ता कुराहरूलाई प्रोत्साहित गर्न महत्वपूर्ण प्रविधि क्षेत्रहरूको लागि घरेलु औद्योगिक आधार प्रोत्साहनहरू स्थापना गर्न सक्छन् । हाइपरसोनिक कार्यक्रमका लागि रक्षा विभागको पाँच वर्षका लागि खर्च योजना केवल २५ अर्ब डलर रहेको छ । ह्वाइट हाउसले हाइपरसोनिक औद्योगिक आधारबारे चासो व्यक्त गर्नुका साथै राष्ट्रिय सुरक्षामा यसको महत्वलाई मान्यता प्रदान गरेको छ । डिफेन्सन्युज