काठमाडौं । १७ वर्षीया किशोरीलाई बलात्कार गरेको आरोपमा एक टिपर चालक काठमाडौंको कलंकीबाट पक्राउ परेका छन् ।

पक्राउ पर्नेमा दोलखाको गौरीशंकर गाउँपालिका–८ घर भएका रा१ख २७३४ नम्बरको टिपरका चालक ३२ वर्षीय ज्ञानबहादुर नेपाली छन् ।

दोलखाबाट काठमाडौंतर्फ आउँदै गरेको उक्त टिपरमा चढेर आएकी ती किशोरीलाई घर पु¥याइदिने भन्दै बहाना बनाई चन्द्रगिरि नगरपालिका–७, थानकोटमा पार्किङ गरी सोही टिपर चालकले शुक्रबार राति बलात्कार गरेको प्रहरीमा उजुरी छ ।

बलात्कारपछि  टिपर समेत छाडी फरार भएका उनलाई प्रहरी वृत्त थानकोटबाट खटिएको टोलीले कलंकीबाट पक्राउ गरेको जनाइएको छ ।