काठमाडौं । कालीकोटमा घर भत्किँदा ६ जना घाइते भएका छन् । खाँडाचक्र नगरपालिका–१ बस्ने लक्ष्मी पाण्डेको घर भत्किँदा उनीहरू घाइते भएका हुन् । प्रहरीका अनुसार पाण्डेको पाँच तले घर भत्किएको हो । 

जिल्ला प्रहरी कार्यालय, सेना र सशस्त्र प्रहरी बल नेपालबाट खटिएको प्रहरीले जेसिबीको सहयोगमा घाइतेहरूको उद्धार गरी उपचार लागि जिल्ला अस्पताल पठाएको हो ।

घाइतेमध्ये गम्भीर घाइते दुईजनालाई थप उपचारको लागि कर्णाली स्वास्थ्य विज्ञान प्रतिष्ठान जुम्ला पठाइएको छ ।