काठमाडौं । म्यानचेस्टर सिटीले सोमबार लिड्स युनाइटेडका मिडफिल्डर काल्भिन फिलिप्सलाई अनुबन्ध गरेको छ । सिटीले इङ्ल्यान्डका मिडफिल्डरलाई ६ वर्षका लागि अनुबन्ध गरेको जनाएको छ । 

आठ सिजन लिड्समा बिताएका फिलिप्सले २३५ खेल खेलेका थिए । २६ वर्षे फिलिप्स सिटीले यस समरमा अनुबन्ध गरेको तेस्रो खेलाडी हुन् । सिटीले यसअघि इर्लिङ हालान्ड र स्टेफन आर्टेगा मोरेनोलाई अनुबन्ध गरेको थियो । 

“सिटीसँग अनुबन्ध हुन पाउँदा म धेरै खुसी छु । सिटीले फेरि आफू विश्वको उत्कृष्ट क्लब भएको प्रमाणित गर्ने छ,” फिलिप्सल भने । 

सिटीका फरवार्ड ग्राबियल जिसस आजै प्रिमियर लिगको प्रतिद्वन्द्वी क्लब आर्सनलसँग अनुबन्ध भएका छन् ।