काठमाडौं । कांग्रेस नेता शेखर कोइरालाले कम्युनिस्ट विभाजनपछि पनि कांग्रेसका लागि कुनै पनि निर्वाचन क्षेत्र सुरक्षित नरहेको बताएका छन् । आज बत्तिसपुतलीमा आयोजित आफू पक्षीय नेताहरूको भेलामा उनले पार्टी नेतृत्वका कारण कांग्रेस बलियो हुन नसकेको बताए । 

अहिले फेरि कम्युनिस्ट एकताबारे बहस चलिरहेको भन्दै उनले कांग्रेस बलियो शक्ति बन्नुपर्नेमा जोड दिए । तर, पार्टी सभापति शेरबहादुर देउवा विधानअनुसार नचल्दा समस्या देखिएको उनको भनाइ छ ।

"पार्टी विधानअनुसार चलेन । सानो गुटबाट सभापति देउवा घेरिएका छन् । सरकार र पार्टीको कामले कार्यकर्ता र आमनागरिक असन्तुष्ट छन् । भ्रातृसंस्थामा विना परामर्श एकलौटी मनोनयन गरिएको छ," उनले भने ।

सरकारमा रहेर पनि देउवाले प्रभावकारी काम गर्न नसनेको उनले बताए ।