काठमाडौं । कर्णाली प्रदेशले आर्थिक वर्ष २०७९/०८० को लागि ३२ अर्ब ६१ करोड ६१ लाख ६३ हजार रुपैयाँ विनियोजन गरेको छ ।

प्रदेशका आर्थिक मामिला तथा योजना मन्त्री बिन्दमान विष्टले कर्णाली प्रदेश सभाको दशौँ अधिवेशनको तेह्रौँ बैठकमा आगामी आर्थिक वर्षका नीति तथा कार्यक्रम कार्यान्वयन गर्न सो बजेट प्रस्तुत गरेका हुन् ।

जसमध्ये प्रदेशले खर्च गर्ने चालुतर्फ ९ अर्ब १६ करोड ९९ लाख १० हजार र पुँजीगततर्फ १९ अर्ब ४३ करोड ५ लाख २४ हजार रुपैयाँ विनियाेजन गरिएकाे छ ।

स्थानीय तहको वित्तीय हस्तान्तरणतर्फ ४ अर्ब १ करोड ५७ लाख २९ हजार रुपैयाँ रहेको छ । खर्च नभइ बचत हुने रकम ४ अर्ब ५५ करोड ४५ लाख ८५ हजार रुपैयाँ अनुमान गरिएको छ ।

संघीय सरकारबाट राजस्व बाँडफाँटबापत ९ अर्ब २ करोड २० लाख रुपैयाँ परिचालन गरिनेछ । त्यस्तै ससर्त अनुदानबाट ५ अर्ब ६९ करो ६७ लाख रुपैयाँ परिचालन गरिनेछ । त्यस्तै, समपूरक अनुदानतर्फ १ अर्ब २१ करोड ५० लाख र विशेष अनुदानतर्फ ६६ करोड ८० लाख रुपैयाँ परिचालन गरिनेछ ।