जनकपुरधाम । मधेस प्रदेश सरकार आउँदो आर्थिक वर्षको बजेट ल्याउने अन्तिम तयारीमा छ । असार १ गते प्रदेश सरकारले ल्याउन लागेको बजेटको आकार बढ्ने सम्भावना देखिएको छ ।

आर्थिक वर्ष ०७९/८० का लागि ४२ अर्ब रुपैयाँको हाराहारीमा बजेट ल्याउने सरकारको तयारी छ । आउने बजेटको आकार चालु आर्थिक वर्षको भन्दा झन्डै आठ अर्ब बढी हुने सम्भावना छ । चालु आर्थिक वर्षका लागि ३८ अर्बको बजेट ल्याइएको थियो ।

संघीय सरकारले १९ अर्ब बजेट प्रदेश सरकारलाई उपलब्ध गराएको छ । ११ अर्ब रकम आन्तरिक राजस्व बाँडफाँडबाट प्राप्त भएको छ ।

यस्तै, चार अर्बको हाराहारीमा आन्तरिक राजस्वबाट असुल भई आएको रकम गरी करिब ४२ अर्बको हाराहारीमा बजेट आउने अनुमान गरिएको छ ।