विराटनगर । प्रदेश नम्बर एक सरकारले तीन चारजना अग्रज पत्रकार प्रादेशिक पत्रकारिता पुरस्कारबाट पुरस्कृत भएका छन् । 

सम्मानित हुनेमा झापाका लीला बराल, धनकुटाका सञ्जयसन्तोषी राई, स्मिता निरौला र सुनसरीका कृष्णविनोद लम्साल छन् । पुरस्कारको राशि जनही एक लाख रुपैयाँ रहेको छ । 

प्रदेश राजधानी विराटनगरमा आयोजित एक कार्यक्रमबीच मुख्यमन्त्री राजेन्द्र राईले पुरस्कृत पत्रकारहरूलाई दोसल्ला ओढाई सम्मानसमेत गरे । यातायात व्यवस्था तथा सञ्चार मन्त्रालयले आयोजना गरेको कार्यक्रममा मुख्यमन्त्री राईले लोकतन्त्र प्राप्तिसँगै देश विकासको लागि सञ्चार जगतको सकारात्मक भूमिका आवश्यक रहेको चर्चा गरे । 

नेपाल पत्रकार महासंघ प्रदेश नम्बर एकले समन्वय गरेको कार्यक्रममा अध्यक्ष लीलाबल्लव घिमिरे र महासचिव विवेक गौतमले प्रदेश सरकारले सञ्चार क्षेत्रको योगदानको कदर गर्ने परिपार्टी बसाल्नु उदाहरणीय कार्य भएको बताए । कार्यक्रम सञ्चारमन्त्री उपेन्द्र घिमिरेको अध्यक्षतामा सम्पन्न भएको थियो ।