काठमाडौं । जनता समाजवादी पार्टी (जसपा)का अध्यक्ष उपेन्द्र यादवले सरकारले आफ्नै नागरिकलाई नागरिकताबाट वञ्चित गरिरहेको बताएका छन् । 

शनिबार प्रतिनिधिसभा बैठकमा बोल्दै उनले भने, “आफ्नै नागरिकका सन्तान गैरनागरिक भएर बस्नुपरेको छ । राज्यले गल्ती गर्ने, राज्यले नदिने अनि त्यसको सजाय नागरिकले भोग्नुपर्ने ?” उनले नागरिकता ऐन ल्याएर तत्काल नागरिकता वितरण गर्नुपर्नेमा उनले जोड दिए । 

संघीय निजामती ऐनको अभावमा प्रदेशहरूले काम गर्न नसकेको उनले बताए । संघ, प्रदेश र स्थानीय निकायबीचको क्षेत्राधिकार कानुनको अभावमा कार्यान्वयन हुन नसकेको यादवले बताए ।