बर्मिंघम । अमेरिकाको अलावामा निवासी एक व्यक्तिलाई बैंक घोटाला गरेर धनाढ्य जीवन जिइरहेको अभियोगमा दोषी ठहर गरी सजाय सुनाइएको छ । बैंकलाई ठगेर कमाएको पैसाले भेस्टाभिया निवासी ३९ वर्षिय क्रिस्टोफर ए. मोन्टालवानोले एउटा निजी विमान र महँगा कारहरू जस्तै फेर्रारिस र लाम्वोर्घिनिससमेत किनेर मोज गर्दै आएका थिए ।
बिहीबार एक अदालतले उनलाई १५ वर्ष लामो कारावास सजाय र क्षतिपूर्ति वापत १ करोड २० लाख अमेरिकी डलर जरिबाना तोकेको छ । उनले चार वर्ष लगाएर सन् २०२० मा आफ्नो ठगी मनाशय पूरा गरेका थिए । गत नोभेम्वरमा जालसाजी, बैंक घोटाला र मुद्रा अपचलन अभियोगमा दोषी करार गरिएका उनलाई अमेरिकी जिल्ला एन्नेम्यारी एक्सोनले सजाय सुनाएका हुन् ।
वकिलहरूले उनले बनावटी कम्पनीहरू देखाएर कम्तिमा २० वटा बैंकबाट करोडौं अमेरिकी डलर वरावरको १४० वटाभन्दा धेरै ऋण निकालेको बताएका छन् । उनले त्यस्तो पैसा भव्य दुईवटा घर र जमिन तथा थुप्रै घडेरी किनेको बताइएको छ । मोन्टाल्वानोका वकिल ब्रेट ब्लूमस्टोनले यस विषयमा कुनै पनि प्रतिक्रिया दिन मानेका छैनन् ।
उनका ७७ वर्षिय पिता गुस मोनटाल्वानोमाथि पनि बैंक ठगी कार्यमा संलग्न रहेको अभियोग लगाइएको छ । एपी