काठमाडौं । काठमाडौं महानगरपालिकामा स्थानीय चुनाव २०७९ को मतगणना जारी छ । अहिले वडाहरु १३, १४, १५, १६ र १७ को मतपत्र गणना भइरहेको छ । 

निर्वाचनघि काठमाडौंमा नेपाली कांग्रेसबाट उठेकी सिर्जना सिंह र नेकपा एमालेबाट उठेका केशव स्थापितबीच कडा प्रतिस्पर्धा हुने आकलन भएका थिए । तर त्यस विपरीत स्वतन्त्र उमेदवार बालेन्द्र शाह (बालेन) ले काठमाडौं महानगरको नेतृत्व सम्हाल्दैछन् ।

अहिले गत गणनामा बालेन सबैभन्दा अघि र सिंह तथा स्थापितबीच दोस्रो र तेस्रो स्थानको लागि कडा टक्कर भइरहेको छ । 

स्थापितले वडा नं. २८ बाट मत खसालेका थिए । उक्त वडामा २ हजार ९९७ मत खसेकोमा स्थापितले ७४१, बालेनले ७१७ र सिंहले ७१० मत प्राप्त गरेकी छन् । स्थापितकै वडामा बालेन २४ भोटलेमात्रै पछि छन् । तर उक्त वडामा कांग्रेसका उमेदवार भने वडाध्यक्ष निर्वाचित भएका थिए ।

अहिले वडा नं. १६मा मतगणना भइरहेको छ । उक्त वडा सिंहको हो र त्यहाँ १२ हजार ३३६ मत खसेको छ । हालसम्म ७ हजार ४६८ मत गणना भएकोमा बालेनले सबैभन्दा बढी २ हजार ९५९ मत प्राप्त गरिसकेका छन् भने सिंहले १ हजार ३८५ र स्थापितले १ हजार १३१ मत प्राप्त गरेका छन् । 

हालसम्म बालेनले ५५ हजार ६२ ६मत प्राप्त गरिसकेका छन् भने सिंहले ३५ हजार ३७१ र स्थापितले ३४ हजार ६२६ मत प्राप्त गरेका छन् ।