काठमाडौं । हृदयेश त्रिपाठी नेतृत्वको जनता प्रगतिशील पार्टी, नेपालले विभिन्न राजनीतिक दलहरूलाई सहकार्यको प्रस्ताव गरेको छ । आज एक विज्ञप्तिमार्फत त्रिपाठीले लोकतान्त्रिक समाजवादी पार्टी, आम जनता पार्टी, राष्ट्रिय उन्मुक्ति पार्टीलगायतलाई सहकार्यको प्रस्ताव गरेका हुन् ।

सहर्कायलाई मूर्त रूप दिन जनता प्रगतिशील पार्टीको तर्फबाट शिवजी यादवको संयोजकत्वमा वार्ता टोली गठन पनि गरिएको विज्ञप्तिमा उल्लेख छ । वार्ता टोलीमा पूर्वमन्त्री ईश्वर दयाल मिश्र र मोहम्मद साबिर हुसेन पनि छन् ।

"जनतामा रहेको आशावाद खस्किँदो अवस्थामा छ । नैराश्य बढ्दो छ । वस्तुत: यस अवस्थाप्रति चिन्तित हुने राजनैतिक दलहरूबीच सहकार्यको आवश्यकता रहेको जनता प्रगतिशील पार्टी, नेपालको ठहर छ," विज्ञप्तिमा भनिएको छ ।