काठमाडौं । नेपाली कांग्रेसले मुस्ताङमा विजयी हासिल गरेको छ । मुस्ताङको घरपझोङ गाउँपालिकाको अध्यक्ष पदमा कांग्रेस उमेदवार विजयी भएका हुन् ।

कांग्रेस मुस्ताङ जिल्ला सभापति रोमी गौचन थकालीले बाह्रखरीलाई दिएको जानकारी अनुसार गाउँपालिकाको अध्यक्षमा कांग्रेसका मोहनसिंह लालचन विजयी भएका छन् । उनले नेकपा (एमाले)का उमेदवार सञ्जयकुमार थकालीलाई दुई मतान्तरले पराजित गरेका हुन् ।

यस्तै, उपाध्यक्षमा पनि कांग्रेसकी जमुना थापामगर विजयी भएको उनले जानकारी दिए । तर, कसले कति मत प्राप्त गरे भन्ने तथ्यांक भने आइसकेको छैन ।