काठमाडौं । नेपाल राष्ट्र बैंकका डेपुटी गभर्नर बमबहादुर मिश्रले धितोपत्र बजार अर्थतन्त्रको ऐना बन्न नसकेको बताएका छन् । उनले बजारमा करिब आधा दर्जन विषयमा परिपक्व भए मात्रै बजारको विकास र अर्थतन्त्रको ऐना बन्न सक्ने उनले बताए । 

नेपाल उद्योग वाणिज्य महासंघले आयोजना गरेको परिपक्व पुँजीबजार सम्मेलनको उद्घाटन कार्यक्रममा उनले धितोपत्र बजार परिपक्व हुन र अर्थतन्त्रको ऐना कसरी बन्छ भन्दै प्रश्न गरे । 

उनले ५१ लाख लगानीकर्ता धितोपत्र बजारमा रहे पनि दोस्रो बजारमा सक्रिय लगानीकर्ताको संख्या बढे पनि परिपक्व बन्न सक्ने उनले बताए । उनले धितोपत्र बजार प्रविधिमा परिपक्व हुन नसकेको भन्दै त्यसमा परिपक्व हुनुपर्ने बताए । “बजारको विकासको लागि नीतिगत परिपक्वता चाहिन्छ, नेप्से र बोर्डको भूमिका महत्वपूर्ण हुन्छ । यसमा राष्ट्र बैंकको पनि केही भूमिका रहला,” उनले भने, “कारोबारमा पनि परिपक्वता चाहिन्छ । सेटलमेन्ट ३, २, १ कति दिनमा हुने हो त्यो भरपर्दो हुनुपर्छ ।” 

उनले सेयर बजारमा सबैभन्दा महत्वपूर्ण नैतिक परिपक्वता जरूरी भएको बताए । उनले डिम्याट खोलेका ५१ लाख ५० हजारमध्ये आफैँ कति पुँजीबजारमा स्वचालित रूपमा कारोबार गर्न सक्छ ?  भन्दै प्रश्न गरे । यस्तै अहिलेको तरलता र विदेशी मुद्रा सञ्चितिको  समस्या समाधानको लागि राष्ट्र बैंकले एनआरएनलाई डलर खाता खोलेर डलरमा निक्षेप राख्न सक्ने र डलरमा नै पैसा फिर्ता लैजान सक्ने व्यवस्था गरेको बताए ।

उनले मार्जिन प्रवृत्तिको सेयर धितो कर्जामार्फत तरलता अभावले गर्दा असहज भएकोभन्दै सहज हुनासाथ लगानीमा केही सहज हुन जाने उनले बताए । यस्तै नेपालमा विदेशी मुद्रा पठाउने माइग्रेन्ट वर्करप्रति सम्मान दर्साउन जरूरी रहेको उनले बताए ।