मुम्बई । सुपरहिट चलचित्र ‘केजीएफ’को दोस्रो च्याप्टर ‘केजीएफ च्याप्टर–२’ को ट्रेलर सार्वजनिक भएको छ । दुई दिनअघि (मार्च २८) मा मात्रै रिलिज भएको हिन्दी भर्सनको ट्रेलर युट्युबको ट्रेन्डिङमा पर्न सफल भएको हो ।

चलचित्रमा साउथ सुपरस्टार यश, बलिउड सुपरस्टार सञ्जय दत्त, अभिनेत्री रविना टण्डनको मुख्य भूमिका छ । ट्रेलरको भ्युज अहिलेसम्म ६२ मिलियनभन्दा बढी पुगिसकेको छ ।

पावर र पावरका लागि पैसा (सुन)का लागि गरिने लडाइँ, हिंसा सार्वजनिक ट्रेलरमा देखाइएको छ । जसका कारण ‘केजीएफ च्याप्टर–२’ को ट्रेलर 'एक्सन प्याक' देखिन्छ । प्रशान्ठ नीलको निर्देशन रहेको चलचित्र विश्वभर आउँदो अप्रिल १४ मा रिलिज हुँदै छ ।