काठमाडौं । जगदम्बा स्टील्सले ग्याल्भा प्लस र सुपर शाइन बजारमा ल्याएको छ ।

शंकर ग्रुपअन्तर्गत जगदम्बा स्टील्स देशको एक ठूलो फलामे छड उत्पादक कम्पनी हो । उद्योगको उत्पादन क्षमता वार्षिक तीन हजार मेट्रिक टन, रोलिङ मिल (टीएमटी) क्यापसिटी छ । साथै, स्लिट रोलिङ प्रविधिबाट टीएमटी बार उत्पादन गर्ने नेपालको पहिलो कम्पनी पनि रहेको कम्पनीले जनाएको छ ।

“नेपालको सबैभन्दा ठूलो फलामे छड उत्पादन कम्पनीको रूपमा जगदम्बा स्टील्सले विभिन्न प्रकारका स्टील उत्पादन बजारमा ल्याई उत्पादन विविधिकरणको कोशेढुंगा पार गरिसकेको छ । उत्पादन तथा प्रविधिमा सफलतापूर्वक नवप्रवर्तन हासिल गर्दै २५ वर्ष पूरा गरिसकेको जगदम्बा स्टील्स ग्याल्भा प्लसपश्चात् पनि थप अत्याधुनिक निर्माण सामग्री बजारमा ल्याउन प्रतिबद्ध छ,” कम्पनीले भनेको छ ।

हाल जगदम्बा स्टील्सले एक लाख ३२ हजार टन प्रतिवर्ष ग्याल्भा प्लस र एक लाख दश हजार टन प्रतिवर्ष सुपर शाइन उत्पादन गर्दै आएको छ ।

तेस्रो देश निर्यात
जगदम्बाले नेपालको औद्योगिक इतिहासमै पहिलोपटक तेस्रो देशमा निर्यात थालनी गरेको जनाएको छ । जगदम्बा स्टीलका उत्पादनहरू, जगदम्बा सुपर शाइना र ग्याल्भा प्लस रोमानिया, यूएई, दक्षिण अफ्रिका, उत्तर अमेरिका, इटाली र म्यानमारमा उच्च मागका साथ आपूर्ति हुन थालेको कम्पनीले जनाएको छ ।