काठमाडौं । बेलायती मोटरसाइकल ब्राण्ड रोयल इनफिल्ड दुगड ग्रुपबाट खोसिएको छ । रोय इनफिल्ड दुगड समूहबाट संघाई समूहले खोसेको हो । अब संघाई गु्रपले आगामी मे देखि रोयल इनफिल्ड बिक्री वितरण गर्नेछ ।

अहिलेसम्म दुगड समूहअन्तर्गतको विवेक अटोमोबाइल्सले रोयल इनफिल्ड आधिकारिक रुपमा नेपाल भित्र्याउँदै आएको छ । आगामी मे देखि संघाई समूहले आधिकारिक रुपमा नेपालमा ल्याउने छ ।

नेपाली बजारमा रोयल इनफिल्ड रोजाइको ब्रान्डमा पर्छ । रोयल इनफिल्ड ब्रान्डको आधिकारिक बिक्रेता हुन ठूला व्यावसायिक घरानाबीच नै प्रतिस्पर्धा थियो । त्यसमा संघाई समूहले बाजी मारेको हो ।

संघाई समूहका एक स्रोतले भन्यो, “आगामी मे देखि हामीले रोयल इनफिल्ड आधिकारिक रुपमा विक्री वितरण गर्नेछौं । यो ब्राण्ड हाम्रो समूहमा आएको छ ।” दुगड समूह निसान कार व्यवसायपछि रोयल इनफिल्डको व्यवसाय पनि खोजिएको हो ।

दुगडले विगत करिब २० वर्षदेखि रोयल इनफिल्ड स्थानीय बजारमा विक्री वितरण गर्दै आएको थियो ।