काठमाडौं । काठमाडौं महानगरपालिकाका मेयर विद्यासुन्दर शाक्यले आगामी स्थानीय चुनावमा उमेदवार बन्न चाहने बहालवाला जनप्रतिनिधिले राजीनामा दिनुपर्ने निर्वाचन आयोगको आचारसंहिताप्रति आपत्ति जनाएका छन् ।

प्रधानमन्त्री र मन्त्रीहरूले उमेदवार बन्न राजीनामा दिन नपर्ने तर स्थानीय जनप्रतिनिधिले राजीनामा दिनुपर्ने आचारसंशिता विभेदकारी रहेको बताए ।

‘‘स्थानीय जनप्रतिनिधिले मात्रै राजीनामा दिनुपर्ने आचारसंहितामा खोट छ । महानगरवासीले राम्रो काम गरेको भन्दै फेरि मेयर बन्न प्रशंसा गरिरहेका छन् । पार्टीले पनि मूल्याङ्कन गरेको होला । पाटीको निर्णय मान्छु,” मेयर शाक्यले भने ।

बहालवाला जनप्रतिनिधिले उमेदवारी मनोनयन दर्ता गर्नुअघि नै पदबाट राजीनामा दिनुपर्ने आयोगले आचारसंहिता बनाएको छ । राजपत्रमा प्रकाशित निर्वाचन आचारसंहिताको दफा ३६ मा उक्त विषय उल्लेख छ ।