विराटनगर । नेकपा (एमाले)का अध्यक्ष केपी शर्मा ओलीले कांग्रेसले बुढो रुख बचाउन मतपत्र हरियो बनाएको आरोप लगाएका छन् । बुधबार मोरङको रंगेलीमा पार्टीले आयोजना गरेको सभालाई सम्बोधन गर्ने क्रममा अध्यक्ष ओलीले स्थानीय निर्वाचनको मतपत्रलाई लिएर आक्रोश पोखेका हुन् ।

जनतालाई अलमलमा नपार्न आग्रह गर्दै उनले एमालेको विरोध गरेर जनता अलमल पार्ने काम भएको बताए । 

“कांग्रेसले ज्येष्ठ नागरिकलाई केही दिएको छैन, दिनेवाला पनि छैन । अब एमालेको विरोध गर्ने कुराबारे जनताले बुझेका छन्,” उनले भने । 

सम्बोधनका क्रममा ओलीले केही समय हिन्दी र मैथिलीमा पनि भाषण गरेका थिए । 

आजै रंगेली नगरपालिकाका मेयर दीलिप बगडिया एमालेमा प्रवेश गरेका छन् ।