न्युयोर्क । विश्वकै धनी अर्बपति एलन मस्कले युरोपलाई अहिले निष्क्रिय अवस्थामा रहेका आणविक ऊर्जा भट्टीहरू फेरि सञ्चालनमा ल्याएर थप ऊर्जा उत्पादन गर्न आह्वान गरेका छन् ।
यसबारे मानिसहरूले रेडियोधर्मी विकीरणको खतराबारे प्रतिक्रिया जनाउँदै आफूले उच्च विकीरणको खतरा रहेको स्थानमा गएर उत्पादिन खाना टेलिभिजनमा नै खाएर देखाउने दाबी गरेको छन् ।
उनले आफूले यसअघि नै जापानको फुकुसिमा आणविक भट्टी दुर्घटना भएको केही समयपछि नै यस्तो साहसिक काम गरेर देखाइसकेको बताएका छन् ।
विद्युतीय कार उत्पादक टेस्ला कम्पनीका प्रमुख कार्यकारिणी अधिकारी मस्कले आइतबार प्राकृतिक ग्यासको अभावको आपूर्तिका लागि युरोपलाई थप आणविक ऊर्जा उत्पादन गर्न आग्रह गरेका हुन् ।
मस्कले ट्विटरमा लेखेका छन्, "युरोपले सञ्चालन रोकेर निष्कृय अवस्थामा राखेका भट्टीहरू पुन: सञ्चालन र हाल सञ्चालनमा रहेका भट्टीहरूबाट पनि बढी मात्रामा ऊर्जा उत्पादन गर्नु पर्दछ ।"
उनको भनाइलाई व्यंग्य गर्दै एज कन्सल्टिङ ग्रूपका संस्थापक जिम ओस्मानले भनेका छन्, "कुनै भ्टटीको व्यवस्थापनमा पुन गोलमाल र सबैतिर रेडियोधर्मी विकीरण चुहावट नभएसम्म यसरी थप ऊर्जा उत्पादन गरिनुपर्दछ । यसले अझै बढी खतरा निम्त्याउनेछ ।"
तर मस्कले विकीरणको खतराको विचार गलत कुरा भएको भन्दै आफ्ना फलोअरहरूलाई चुनौती दिएका छन् ।
उनले भनेका छन्, "गल्तीवश विकीरणको खतराबारे सोच्ने जो कोहीले सबैभन्दा खराब स्थान पहिल्याउनू, म त्यहीँ गएर स्थानीय रूपमा उमारिएको खाना सबैले देख्ने गरी टेलिभिजनमा खाएर देखाइदिन्छु ।"
मस्कले सन् २०११ को जुलाईमा फुकुसिमाको भ्रमण गरेको सोलार सिटीबाट जारी गरिएको प्रेस विज्ञप्तिमा जनाइएको छ । टेस्लाले सन् २०१६ मा सोलार सिटी प्राप्त गरेको हो । जापानको आसाही सिम्बुन मिडिया आउटलेटले पनि मस्कको भ्रमणको पुष्टि गरेको छ ।
तर इन्साइडरले दाबी गरिएजस्तै मस्कले त्यसरी जापानमा स्थानीय स्तरमा उमारिएको खाना खाए वा खाएनन् भनेर स्वतन्त्र रूपमा पुष्टि गर्न सकेको छैन ।
विश्वको इतिहासमा सन् १९८६ मा ततकालिन सोभियत संघको चेर्नोबिल र सन् २०११ म जापानको फुकुसिमामा गरी दुईवटा ठूलो आणविक भट्टी दुर्घटना भएको छ ।
बिज्नेसन इन्साइडरबाट ।