काठमाडौं । कोभिड १९ संक्रमणमुक्त भएका व्यक्तिहरूमा विभिन्न पोस्ट कोभिड समस्या देखिने अध्ययनहरूले देखाएका छन् । स्वास्थ्य तथा जनसंख्या मन्त्रालयलकाअनुसार संक्रमणमुक्त भएका व्यक्तिहरूमा मुख्यागरी तीनवटा समस्या देखिने गरेका छन् ।

जसमा थकान महसुस हुने, श्वासप्रश्वासमा समस्या हुने र एकाग्र नहुने वा स्मरण शक्ति कम हुने समस्या अधिकांशमा देखिने गरेको ती अध्ययनहरूले पुष्टि गरेका छन् ।

त्यस्तै राम्रोसँग निन्द्रा नपर्ने, तथा मुटुसम्बन्धि विभिन्न समस्या पनि देखिने गरेका छन् ।

यस्ता समस्या विस्तारै आफैँ हराउँदै जाने मन्त्रालयका प्रवक्ता डा. संगिता कौशल मिश्राले बताइन् । तर यस्ता समस्या तीन महिनाभन्दा बढी समय रहिरहे चिकित्सकको सल्लाह लिन मन्त्रालयको सुझाव छ ।